తెలుగు, త‌మిళ, హిందీ ద‌ర్శ‌క‌నిర్మాత‌ల‌కు మోస్ట్ వాంటెడ్ హీరోయిన్‌గా మారిపోయింది పూజాహెగ్డే. భాష ఏదైనా స‌రే ఈ భామ సినిమాకు గ్రీన్ సిగ్న‌ల్ ఇచ్చిందంటే మినిమ‌మ్ హిట్టు గ్యారంటీ. హీరోల పాలిట గోల్డెన్ లెగ్‌గా మారిపోయింది. కెరీర్‌లో స‌రైనా హిట్టు లేక బాధ‌ప‌డుతున్న అఖిల్‌కు మోస్ట్ ఎలిజిబుల్ బ్యాచ్‌ల‌ర్ సినిమాతో మంచి బ్రేక్ ఇచ్చింది పూజాహెగ్డే. ఈ భామ‌తో న‌టించాల‌ని చాలా మంది స్టార్ హీరోలు వెయిట్ చేస్తున్నారు.
అందుకు బాలీవుడ్ స్టార్ హీరో సల్మాన్ ఖాన్ మాట్లాడిన మాట‌లే ఉదాహ‌ర‌ణ‌గా చెప్పొచ్చు. సల్మాన్ ఖాన్, పూజాహెగ్డే కాంబినేష‌న్ లో ఓ సినిమా తెర‌కెక్కుతున్న సంగ‌తి తెలిసిందే. ఈ మూవీ కోసం పూజాను మిడిల్ ఈస్ట్ (కైరో, టెహ్రాన్, ఇస్తాంబుల్, బాగ్దాద్ దేశాలు) ప్రాంతానికి తీసుకెళ్లాడు స‌ల్లూభాయ్‌. స్టేజీపై తొలిసారి పూజాహెగ్డే డ్యాన్సింగ్ టాలెంట్‌ను చూసి ఇంప్రెస్ అయిపోయాడ‌ట సల్మాన్.
ఓ ఇంట‌ర్వ్యూలో సల్మాన్ మాట్లాడుతూ..పూజా అద్బుతంగా డ్యాన్స్ చేసింద‌ని ప్ర‌శంసించాడు. అంతేకాదు పూజాహెగ్డే మంచి న‌టి అని, ఆమెతో ప‌నిచేయడం చాలా ఎక్జ‌యిటింగ్‌గా ఉంద‌ని ఆకాశానికెత్తేశాడు స‌ల్మాన్‌ఖాన్‌. పూజాహెగ్డే త్వ‌ర‌లో ప్ర‌భాస్‌తో క‌లిసి న‌టిస్తోన్న రాధేశ్యామ్ ప్ర‌మోష‌న్స్ ను షురూ చేయ‌నుంది. మొత్తానికి బుట్ట‌బొమ్మ‌ను సల్మాన్ పొగ‌డ్త‌ల వ‌ర్షం కురిపిస్తూ చేసిన కామెంట్లు ఇపుడు తెగ వైర‌ల్ అవుతున్నాయి..
