బాలీవుడ్ స్టార్ హీరో సల్మాన్ ఖాన్ తో న‌టించాల‌ని ఏ హీరోయిన్‌కు ఉండ‌దు చెప్పండి. అలాంటి హీరోతో సినిమాలో న‌టించే అవ‌కాశం వ‌చ్చిన‌ట్టే వ‌చ్చి చేజారిపోతే ఎలా ఉంటుంది. ఇపుడు అలాంటి ప‌రిస్థితే టాలీవుడ్ భామ ప్రగ్యాజైశ్వాల్ కు వచ్చిందన్న వార్త టాక్ ఆఫ్ ది టౌన్‌గా మారింది. స‌ల్మాన్‌ఖాన్‌, ఆయుష్ శ‌ర్మ కాంబోలో వ‌స్తున్న చిత్రం ‘అంథిమ్..ది ఫైన‌ల్ ట్రుత్’. ఈ చిత్రంలో ఫీ మేల్ లీడ్ రోల్ కోసం ప్ర‌గ్యాజైశ్వాల్‌ను తీసుకుంది మూవీ టీం.
సల్మాన్, ప్రగ్యాజైశ్వాల్ మ‌ధ్య వ‌చ్చే రొమాంటిక్ ట్రాక్‌తోపాటు కొన్ని స‌న్నివేశాల‌ను కూడా చిత్రీక‌రించాడ‌ట డైరెక్ట‌ర్. అయితే రొమాంటిక్ ట్రాక్ ఈ సినిమా ఫ్లోను ఆపేస్తుంద‌ని భావించిన సల్మాన్ ఖాన్..ఆ పార్టును తొల‌గించాల‌ని సూచించాడ‌ట స‌ల్లూభాయ్‌. సల్మాన్ చేసిన ఈ ప‌నితో ప్రగ్యాజైశ్వాల్ నిరాశ చెంది అంథిమ్ ప్రాజెక్టు నుంచి బ‌య‌ట‌కు వచ్చిందన్న వార్త బీటౌన్‌లో హాట్ టాపిక్ గా మారింది.
బాలీవుడ్‌కు గ్రాండ్ ఎంట్రీ ఇవ్వాల‌నుకున్న ప్ర‌గ్యాజైశ్వాల్‌కు వేరే మార్గం లేక‌పోవ‌డంతో అంథిమ్ నుంచి త‌ప్పుకుంద‌ని టాక్ న‌డుస్తోంది. ఇక ప్ర‌స్తుతం బాలకృష్ణ‌తో న‌టిస్తున్న అఖండ సినిమాపైనే ఆశ‌ల‌న్నీ పెట్టుకుంది ప్రగ్యాజైశ్వాల్. బాలీవుడ్ ప్రాజెక్టు చేజారిపోయిన ప్ర‌గ్యాజైశ్వాల్‌ను మ‌రి టాలీవుడ్ సినిమా కాపాడుతుందో..? లేదో..? చూడాలి. బోయ‌పాటి ద‌ర్శ‌క‌త్వంలో వ‌స్తున్న అఖండ డిసెంబ‌ర్ 2న థియేట‌ర్ల‌లో గ్రాండ్‌గా విడుద‌ల కానుంది.
