రేణు దేశాయ్ తనకు నచ్చిన పనులు చేస్తూ నిత్యం వార్తల్లో నిలుస్తోంది. రెండో పెళ్లి విషయంపై గత కొంత కాలంగా వార్తల్లో నిలుస్తున్న రేణు దేశాయ్ తాజాగా మళ్లీ వార్తల్లో నిలిచారు. తన రెండు లగ్జరీ కార్లని అమ్మేసి పలువురిని ఆశ్చర్యపరిచారు. ఈ విషయాన్ని సోషల్ మీడియా ఇన్ స్టా గ్రామ్ ద్వారా వెల్లడించారు. మారిషస్‌లో చమురు లీకేజీ వల్ల జరిగిన నష్టాన్ని గుర్తు చేస్తూ పెట్రోల్, డీజిల్ వాడకాన్ని తగ్గించాలని విజ్ఞప్తి చేశారు.
రేణు దేశాయ్ ఊహించని పనికి సెలబ్రిటీలంతా అవాక్కవుతున్నారు. `దయచేసి అందరూ ఎలక్ట్రిక్ కార్లు, బైకులను కొనండి. ప్రతీరోజు వాడే పెట్రోల్ , డీజిల్ కు ప్రత్యామ్నయ వనరులను అన్వేషించండి. నేను ఇంధనంతో నడిచే ఆడీ ఏ6 , పోర్షే బాక్సర్ కార్లను అమ్మేసి ఈ ఎలక్ట్రికల్ హ్యుందాయ్ కోన కారుని తీసుకున్నాను. నా రెండు కార్లను అమ్మడం కష్టమైన విషయమే అయినా మారిషస్‌లో జరిగిన చమురు లీకేజీ గురించి చదివి ఈ నిర్ణయం తీసుకున్నాను` అని వెల్లడించింది రేణు దేశాయ్.
