ప్రపంచంలో వివిధ రంగాల్లో ఏదైనా ఘనత సాధించినవారి పేర్లతో జాబితా విడుదల చేస్తూ ఉంటుంది. ఈ ఏడాది వరుసగా వివరాలు ప్రకటించుకుంటూ వస్తున్న ఫోర్బ్స్ తాజాగా మరో జాబితా రిలీజ్‌ చేసింది. ఇది సోషల్‌ మీడియా జాబితా. అంటే సోషల్‌ మీడియాలో యూజర్లను ఎవరు ఎక్కువగా ఇన్‌ఫ్లూయెన్స్‌ చేస్తున్నారు అనే వివరాల జాబితా. అందులో ఈ సారి అనూహ్యంగా నేషనల్‌ క్రష్‌ రష్మిక మందన ఫస్ట్‌ ప్లేస్‌లో నిలిచింది. రష్మిక ప్రస్తుతం సౌత్‌ అండ్‌ నార్త్‌ను ఓ ఊపు ఊపేసే పనిలో ఉంది.
వరుసగా సినిమాలు చేస్తూ దూసుకుపోతోంది. ఈ క్రమంలో సోషల్‌ మీడియాలో కూడా ఈ అమ్మడి ప్రతాపం మామూలుగా లేదు. అందుకే అత్యధికంగా ఫాలోవర్ల సంఖ్య పెంచుకున్న వారి జాబితాలో తొలి స్థానంలో నిలిచింది. ఫోర్బ్స్ ఈ లిస్ట్‌ రిలీజ్‌ చేసింది. ఆమె తర్వాతి స్థానాల్లో విజయ్‌ దేవరకొండ, కన్నడ స్టార్‌ యశ్‌, సమంత, అల్లు అర్జున్‌ ఉన్నారు. ప్రస్తుతం రష్మికకు ఇన్‌స్టాగ్రామ్‌ 22 మిలియన్ల మందికిపైగా అనుచరులు ఉన్నారు. ఫోర్బ్స్ ఈ జాబితాను క్వోర్జ్‌ స్కోరు ఆధారంగా ఈ జాబితా సిద్ధం చేస్తుంది.
