ఫిల్మ్ ఇండస్ట్రీలో కొన్ని కొన్ని పుకార్లు రావడం సాధారణమే.. ఆ పుకార్లు మరింత తీవ్రమైతే తప్ప సెలబ్రిటీలు స్పందించరు. ఇంకొంతమంది పుకార్లపై స్పందిస్తూ ఫైర్ అవుతారు. ఇక తాజాగా దగ్గుబాటి రానా కొన్ని పుకార్లపై ఘాటుగానే స్పందించాడు. ప్రస్తుతం రానా విరాట పర్వం చిత్రంలో నటిస్తున్న విషయం తెల్సిందే. ఎప్పుడో విడుదల కావాల్సిన ఈ చిత్రం కొన్ని కారణాల వలన ఆలస్యం అవుతూ వచ్చింది. ఇక ఈ చిత్రంపై ఒక న్యూస్ సైట్ ఒక వార్త రాసింది.
‘విరాట పర్వం’ నుంచి మ్యూజిక్ డైరెక్టర్ సురేష్ బొబ్బిలి తప్పుకున్నాడంటూ వార్త రాసింది. ఇక ఈ వార్తపై రానా ఫైర్ అయ్యాడు. ” ఎవడు బ్రో నీకు చెప్పింది.. నీ సోది” అంటూ ఆ వార్తను పోస్ట్ చేశాడు. కామెంట్ లో రెండు స్మైలీ ఎమోజీలు పెట్టినా.. రానా మాత్రం కొంచెం ఘాటుగానే రియాక్ట్ అయినట్లు కనిపిస్తుంది. రానా ట్వీట్వే చేసిన కొద్దిసేపటికే ఆ న్యూస్ ని డిలీట్ చేయడం గమనార్హం. వేణు ఉడుగుల దర్శకత్వంలో తెరకెక్కిన ఈ చిత్రంలో రానా సరసన సాయి పల్లవి నటిస్తోంది. త్వరలోనే ఈ చిత్రం విడుదల కానుంది.
