ఆంధ్ర కింగ్ తాలూకా’ ప్రారంభమైనప్పటి నుండి హీరో రామ్, హీరోయిన్ భాగ్యశ్రీల మధ్య ఏదో నడుస్తుందనే పుకార్లు చక్కర్లు కొట్టాయి. దీనికి తోడు, ఈ సినిమా కోసం రామ్ స్వయంగా పాటలు రాయడం, పాడటం కూడా చేయడంతో వారిద్దరి మధ్య నిజంగానే ఏదో రిలేషన్ నడుస్తుందని అందరూ అనుకున్నారు. ఇక ఇప్పుడు ఈ చిత్ర ప్రమోషన్స్‌లో భాగంగా రామ్‌కు ఈ విషయంపై ఓ ప్రశ్న ఎదురైంది.
భాగ్యశ్రీతో రామ్ డేటింగ్‌లో ఉన్నారా..? అని ఓ ఇంటర్వ్యూలో ఆయనకు ప్రశ్న ఎదురైంది. దీనికి చాలా కూల్‌గా సమాధానమిచ్చాడు రామ్. తమ మధ్య అలాంటిది ఏమీ లేదని..ఆన్‌స్క్రీన్‌లో తమ జోడీ మధ్య కెమిస్ట్రీ అద్భుతంగా రావడంతో జనాల్లో ఈ ప్రశ్న తలెత్తిందని..అంతే తప్ప.. వారి మధ్య నిజంగా అలాంటి రిలేషన్ ఏమీ లేదని రామ్ తేల్చేశాడు. అటు భాగ్యశ్రీ కూడా తమది మంచి ఫ్రెండ్‌షిప్ మాత్రమే అని చెప్పడంతో వారి మధ్య డేటింగ్ రూమర్స్‌కు చెక్ పడింది..!!
