మెగాపవర్ స్టార్ రామ్ చరణ్ తన సినిమాల విషయంలో జాగ్రత్త వహిస్తున్నారు. కథలను ఎంచుకోవడంలో ఆచితూచి అడుగులు వేస్తూ తన తదుపరి సినిమాను దర్శకుడు శంకర్‌తో ఓకే చేసిన విషయం తెలిసిందే. వీరి కాంబోలో రానున్న సినిమాపై తారాస్థాయి అంచనాలు ఉన్నాయి. ఈ కాంబో మూవీని ప్రముఖ నిర్మాత దిల్ రాజు, రామ్ చరణ్ సంయుక్తంగా నిర్మిస్తున్నారు. అయితే ఈ సినిమాలో హీరోయిన్ ఎవరన్న వార్త ప్రస్తుతం హాట్ టాపిక్‌గా మారింది.
ఈ సినిమాలో రకుల్ ప్రీత్ సింగ్‌ను ఎంపిక చేసేందుకు ఎక్కువ అవకాశాలు ఉన్నాయంట. ఈ సినిమాను తెలుగు, తమిళ, హిందీ భాషల్లో రూపొందిస్తున్నారు. కాబట్టి రకుల్ ప్రీత్ సింగ్‌కు తెలుగు, హిందీలో మంచి మార్కెట్ ఉంది. నిజానికి శంకర్ డైరెక్ట్ చేస్తున్న ఇండియన్2 కోసం రకుల్ ఇచ్చిన కాల్‌షీట్స్‌ను ఈ సినిమాకు వినియోగించుకోవాలని శంకర్ చూస్తున్నారంట. ఈ మేరకు వార్తలు కోలీవుడ్‌లో తెగ హల్‌చల్ చేస్తున్నాయి
