సినిమా మొదటి రోజు టాక్ ను బట్టి.. ఫలితం ఆధారపడి ఉంటుంది. పెద్ద సినిమా చిన్న సినిమా అని కాదు. ఏ సినిమాకైనా ఇంతే..! అయితే విడుదల రోజున జనాలని థియేటర్ కు రప్పించాలి అంటే ప్రమోషన్ చాలా అవసరం. ఎంత బాగా ప్రమోషన్ చేస్తే ఆ సినిమా పై అంత క్రేజ్ పెరుగుతుంది. ప్రీ రిలీజ్ బిజినెస్ తో పాటు అడ్వాన్స్ బుకింగ్స్ కూడా బాగా జరుగుతాయి.ఇదిలా ఉండగా.. చిన్న సినిమాలకైతే కాస్త పేరున్న ఆర్టిస్ట్ లను తీసుకునేది ఇలా ప్రమోషన్లకు ఉపయోగపడతారనే..!
సునీల్ ప్రధాన పాత్ర పోషిస్తున్న ఈ మూవీకి అన‌సూయ‌నే స్పెష‌ల్ అట్రాక్ష‌న్‌. సినిమా ఈమె పాత్ర పైనే ఆధారపడి నడుస్తుందట. కొంచెం నెగిటివ్ షేడ్స్ కలిగి ఉన్న పాత్ర ఇది. అయితే.. ఈ సినిమా ప్రమోషన్లకు మాత్రం ఈమె రావడం లేదు. అన‌సూయ‌తో ప్రమోషన్ చేయిస్తే జ‌నాలు థియేట‌ర్ల‌కు వ‌స్తార‌ని నిర్మాత అనుకున్నాడు. భారీగా ప్రమోషన్స్ ను ప్లాన్ చేసాడు.కానీ అనసూయ మాత్రం స్పందించడం లేదు. చిత్ర బృందానికి స‌హ‌కరించడం లేదు అని తెలుస్తుంది.
ఈ మధ్యనే ఈ చిత్రం ట్రైలర్ ఆవిష్కరణ జరిగింది.కానీ దీనికి అనసూయ హాజరు కాలేదు. మరొపక్క రిలీజ్ డేట్ దగ్గరపడుతోంది. దీంతో నిర్మాత కు టెన్షన్ మొదలైంది. అదే `పుష్ఫ ` వంటి సినిమలో చిన్న పాత్ర పోషించినా… ఆమె తెగ ప్రమోషన్లు చేసింది. అలాంటి పెద్ద సినిమాలకి ఏమో కానీ ఇలాంటి చిన్న సినిమాలని మాత్రం ఈమె పట్టించుకోకపోతే అనసూయ పై మరింత విమర్శల వర్షం కురిసే ప్రమాదం ఉంది.
