యంగ్ రెబల్ స్టార్ ప్రభాస్ ప్రస్తుతం సలార్, ప్రాజెక్ట్-K సినిమాలను తెరకెక్కిస్తూ బిజీగా ఉన్నాడు. ఈ రెండు సినిమాలు కూడా పాన్ ఇండియా మూవీలుగా వస్తుండటంతో ఇండియావైడ్ ఆడియెన్స్ ఈ సినిమాలతో ప్రభాస్ ఎలాంటి సెన్సేషన్ క్రియేట్ చేస్తాడా అని ఆసక్తిగా చూస్తున్నారు. ఇక ఈ సినిమాల్లో సందీప్ రెడ్డి వంగా తెరకెక్కిస్తున్న ‘స్పిరిట్’ సినిమా సంథింగ్ స్పెషల్‌గా ఉండబోతున్నట్లు చిత్ర యూనిట్ ఇప్పటికే వెల్లడించింది. కాగా, ఈ సినిమా షూటింగ్‌ను అతి త్వరలో ప్రారంభించేందుకు చిత్ర యూనిట్ రెడీ అవుతోంది. అయితే ఈ సినిమా కోసం ప్రభాస్ ఓ అరుదైన ఫీట్ చేయబోతున్నట్లు తెలుస్తోంది.
15 ఏళ్ల క్రితం యోగి సినిమాలో ప్రభాస్ అందాల భామ నయనతారతో రొమాన్స్ చేశాడు. వారిద్దరి కెమిస్ట్రీ ఆ సినిమాకే హైలైట్‌గా నిలిచింది. అయితే ఆ తరువాత మళ్లీ ఈ జోడీ వెండితెరపై ఇప్పటివరకు కనిపించలేదు. దీంతో ఈ ఇద్దరు స్టార్స్ తిరిగి ఎప్పుడు కలిసి నటిస్తారా అని అభిమానులు ఎంతో ఆసక్తిగా చూస్తూ వస్తున్నారు. అయితే సందీప్ రెడ్డి తెరకెక్కించబోయే స్పిరిట్ సినిమాలో హీరోయిన్‌గా స్టార్ బ్యూటీ నయనతారను సెలెక్ట్ చేసేందుకు చిత్ర యూనిట్ ప్లాన్ చేస్తోందట. ఒకవేళ ఇదే నిజమైతే, దాదాపు 15 ఏళ్ల తరువాత తిరిగి నయన్-ప్రభాస్ జోడీ సిల్వర్ స్క్రీన్‌పై సందడి చేయనుందని అభిమానులు అంటున్నారు. మరి ఈ జోడీ నిజంగానే మరోసారి కలిసి నటిస్తుందా లేదా అనేది చూడాలి..!!
