ఈచిత్రంలో రెండో హీరోయిన్‌గా ఎంపికైన శ్రీలీల‌నే లీడ్ హీరోయిన్‌గా ప్ర‌మోట్ చేసిన‌ట్లు తెలుస్తుండ‌గా.. శ్రీలీల కోసం అనుక‌న్న పాత్ర‌ను ఇప్పుడు ఎవ‌రు చేస్తార‌న్న ఆస‌క్తి అంద‌రిలోనూ నెల‌కొంది. ఇటీవ‌లే కొత్త షెడ్యూల్ కూడా మొద‌లైన నేప‌థ్యంలో ఈ విష‌యంలో ఆల‌స్యం చేసే ప‌రిస్థితి లేదు. ఈ మ‌ధ్య త్రివిక్ర‌మ్‌కు ఫేవ‌రెట్ హీరోయిన్‌గా మారిన మ‌ల‌యాళ భామ సంయుక్త పేరు బ‌లంగా వినిపించింది కానీ.. ఆమెను కాకుండా ఎవ‌రూ ఊహించిన ఓ అమ్మాయిని ఈ పాత్ర‌కు ఎంచుకున్న‌ట్లు స‌మాచారం.
సుశాంత్ మూవీ ఇచ‌ట వాహ‌న‌ములు నిలుప‌రాదు చిత్రంతో టాలీవుడ్లోకి అడుగు పెట్టిన మాజీ మిస్ ఇండియా మీనాక్షి చౌద‌రిని మ‌హేష్ స‌ర‌స‌న రెండో క‌థానాయిక‌గా ఎంచుకున్నార‌న్న‌ది తాజా స‌మాచారం. ఆల్రెడీ ఈ వార్త సోష‌ల్ మీడియాలో హ‌ల్‌చ‌ల్ చేస్తోంది. ఒడ్డూ పొడ‌వు బాగా ఉన్న మీనాక్షి మ‌హేష్ ప‌క్క‌న బాగా సూట‌వుతుంద‌న‌డంలో సందేహం లేదు. ఆమెకిది బంప‌రాఫ‌ర్ అనే చెప్పాలి. సుశాంత్ లాంటి చిన్న హీరో ప‌క్క‌న క‌థానాయిక‌గా అరంగేట్రం చేసిన ఆమె.. ఆ త‌ర్వాత ర‌వితేజతో ఖిలాడి, అడివి శేష్‌తో హిట్-2లో న‌టించింది. ఇప్పుడు ఒక్క‌సారిగా మ‌హేష్ లాంటి టాప్ స్టార్ సినిమా అంటే పెద్ద ప్ర‌మోష‌న్ వ‌చ్చిన‌ట్లే. ఈ విష‌యాన్ని చిత్ర బృందం త్వ‌ర‌లోనే అధికారికంగా ప్ర‌క‌టించ‌నున్న‌ట్లు స‌మాచారం.
