పవన్ కళ్యాణ్ పుట్టిన రోజు సందర్బంగా పెద్ద ఎత్తున వేడుకలు జరిపేందుకు గాను ఏర్పాట్లు చేస్తున్నారు. పవన్ 50వ పుట్టిన రోజు అవ్వడం వల్ల ప్రతి ఒక్కరు కూడా చాలా స్పెషల్‌ గా పుట్టిన రోజు శుభాకాంక్షలు చెప్పేందుకు సిద్దం అయ్యారు. అంతే కాకుండా పవన్ అభిమానుల కోసం బండ్ల గణేష్‌ ప్రత్యేకంగా షో లు వేసేందుకు కూడా సిద్దం అవుతున్నాడు. ఈ విషయాన్ని స్వయంగా బండ్ల గణేష్‌ ప్రకటించాడు.
తెలుగు రాష్ట్రాల్లో మొత్తం 100 థియేటర్లలో గబ్బర్ సింగ్‌ ను ఒక్కో షో చొప్పున స్క్రీనింగ్‌ చేయబోతున్నట్లుగా అధికారికంగా ప్రకటించారు. థియేటర్లలో ఫ్యాన్స్‌ హంగామా మామూలుగా ఉండదు అంటూ అభిమానులు చెప్పుకుంటూ ఉన్నారు. బండ్ల గణేష్‌ సినిమా కు సంబంధించిన అధికారిక ప్రకటన చేయడంతో హడావుడి మరింత అయ్యింది. పెద్ద ఎత్తున అభిమానులు మరియు ఇండస్ట్రీ వర్గాల వారు పవన్ బర్త్‌ డే సందర్బంగా వంద షో ల్లో ఎక్కడి వారు అక్కడ సందడి చేసేందుకు గాను సిద్దంగా ఉన్నారు.
