ప్రస్తుతం ఉన్న కరోనా కారణంగా సినిమా థియేటర్స్ అన్ని మూతపడ్డాయి. దాంతో విడుదల కావాల్సిన సినిమాలు అన్ని ఓటీటీ దారిలో పడ్డాయి. అయితే పూరీ జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమాతో ప్రేక్షులను ఆకట్టుకున్నాడు హీరో రామ్. ఈ సినిమా తర్వాత కిషోర్ తిరుమల దర్శకత్వంలో ‘రెడ్’ సినిమాని చేస్తున్నాడు. నివేతా పెతురాజ్ హీరోయిన్ గా నటిస్తుంది. స్రవంతి రవికిషోర్ సినిమాని నిర్మిస్తుండగా, మణిశర్మ సంగీతం అందిస్తున్నాడు. ఇందులో రామ్ రెండు విభిన్నమైన పాత్రలో నటిస్తున్నాడు. ఏప్రిల్ లో విడుదల కావాల్సిన ఈ సినిమా కరోనా కారణంగా వాయిదా పడింది. అయితే కరోనా కారణంగా చాలా సినిమాలు ఓటీటీ బాట పట్టడంతో రామ్ మూవీకి కూడా ఓటీటీలు ఫ్యాన్సీ రేట్స్ ని ఆఫర్ చేసాయి.
కానీ అప్పుడు దర్శకనిర్మాతలు ఈ సినిమాను థియేటర్ లోనే రిలీజ్ చేస్తామని చెప్పారు. అయితే తాజా సమాచారం ప్రకారం… థియేటర్స్ ఇప్పుడప్పుడే తెరుచుకోవడం కష్టం అనుకున్న చిత్రబృందం సినిమాను డిజిటల్ గా విడుదల చేద్దాం అనుకోని ఓ ప్రముఖ ఓటీటీ సంస్థ కు ఓకే చెప్పిందంట! కానీ ఇప్పుడు ఆ ఓటీటీ సంస్థ రామ్ సినిమాకు నో చెప్పినట్లు తెలుస్తుంది. అయితే ఇప్పటివరకు ఓటీటీ లో విడుదలైన పెంగ్విన్, వి సినిమాలు అంతగా ప్రేక్షకులను ఆకట్టుకోకపోవడంతో వారు రెడ్ సినిమాకు నో చెప్పారని తెలుస్తుంది.
