కామం, మోహం, కాంక్ష..ఇలా లస్ట్‌కి రకరకాల అర్థాలు చెప్పుకుంటారు. కానీ నా దృష్టిలో లస్ట్‌ అర్థం వేరు’ అంటూ కొత్త అర్థాన్ని చెప్పారు కాజోల్‌. తాజాగా ఆమె నటించిన ‘లస్ట్‌ స్టోరీస్‌ 2’ ప్రమోషన్స్‌లో బిజీగా ఉన్న ఆమెను ‘మీ దృష్టిలో లస్ట్‌ అంటే ఏంటి? అని ఓ విలేకరి అడిగగా.. కాజోల్‌ ఆసక్తికర సమాధానం చెప్పారు. నా ఉద్దేశంలో లస్ట్‌ అంటే విపరీతమైన కోరిక. అది మనకున్న శరీర వాంఛల్లోనే కాదు. ఏ విషయంలోనైనా కావొచ్చు. నా వరకూ అయితే నా జీవితమే నాకొక పెద్ద లస్ట్‌. ఇష్టమైన ఫుడ్‌ తినడం, డ్యాన్స్‌ చేయడం, సంగీతాన్ని ఆస్వాదించడం, నాకు అలవాటైన కుట్లు, అల్లికలు. ఇవన్నీ నాకు లస్ట్‌తోనే సమాఽనం. పిల్లలితో కలిసి ప్రతి క్షణాన్ని ఆస్వాదించడం కూడా ఆ కోవలోకే వస్తుంది’ అని చెప్పారు కాజోల్‌..!!
