డ్రాగన్’ సినిమాతో మంచి గుర్తింపు తెచ్చుకున్న అందాల నటి కాయదు లోహర్, ఇప్పుడు టాలీవుడ్లో వరుస క్రేజీ ప్రాజెక్టులతో బిజీగా ఉంది. తాజాగా నేచురల్ స్టార్ నాని హీరోగా నటిస్తున్న ప్రతిష్టాత్మక చిత్రం ‘ది ప్యారడైజ్’లో ఆమె నటిస్తున్నట్లు అధికారికంగా ధృవీకరించింది. థియేటర్లో ఈ సినిమా గ్లింప్స్కు వచ్చిన రెస్పాన్స్ను సోషల్ మీడియాలో షేర్ చేస్తూ, తను ఈ భారీ ప్రాజెక్టులో భాగమైనట్లు క్లారిటీ ఇచ్చింది.
ప్రస్తుతం ఈ సినిమా షూటింగ్ వేగంగా జరుగుతోంది. నాని కెరీర్లోనే అత్యంత భారీ స్థాయిలో రూపొందుతున్న ఈ చిత్రం మార్చి 26, 2026న విడుదల కానుంది. కాయదు తన కెరీర్లోనే ఇంత పెద్ద ప్రాజెక్టులో నటించడం ఇదే మొదటిసారి కావడం విశేషం. ఇప్పటికే ఈ సినిమాలో ఆమె పాత్ర గురించి ఫ్యాన్స్లో భారీ అంచనాలు నెలకొన్నాయి. కేవలం నాని సినిమా మాత్రమే కాకుండా, దుల్కర్ సల్మాన్ నటిస్తున్న ‘ఐ యామ్ గేమ్’ (I’m Game) అనే చిత్రంలో కూడా కాయదు ముఖ్య పాత్ర పోషిస్తోంది..!!
