బాలీవుడ్ బ్యూటీ దీపికా పదుకొనే సోషల్ మీడియా వేదికగా అభిమానులతో శుభవార్త పంచుకుంది. ప్రపంచ వ్యాప్తంగా శాస్త్రవేత్తలు..కళాకారులు, పాప్ స్టార్స్, రాజకీయన నాయకులతో ఉన్న ప్రతిష్టాత్మక జాబితాలో దీపికా పేరు చేరింది. ప్రముఖ టైమ్స్ 100 ఇంపాక్ట్ అవార్డు అందుకుంది దీపికా. మానసిక ఒత్తిడిపై అవగాహన కల్పిస్తూ ఆమె అందించిన సేవలు.. అద్భుతమైన చిత్రాలకు గానూ దీపికాను ఈ అవార్డు వరించింది. దీంతో ప్రపంచవ్యాప్తంగా ఉన్న ప్రముఖుల జాబితాలో దీపికా చేరిపోయింది. ఈ విషయాన్ని సోషల్ మీడియా ద్వారా తెలియచేసింది.
” ఈ సోమవారం ఉదయం శుభవార్తతో ప్రారంభమయింది అని నేను అనుకుంటున్నాను.. ఇందుకు ధన్యవాదాలు ” అంటూ పోస్ట్ చేసింది దీపికా. దీంతో ఆమెకు బాలీవుడ్ సెలబ్రెటీలు, అభిమానులు సోషల్ మీడియా వేదికగా శుభాకాంక్షలు తెలుపుతున్నారు..టైమ్స్ 100 అవార్డును.. ప్రపంచంలోని శాస్త్రవేత్తలు..కళాకారులు, పాప్ స్టార్స్, రాజకీయన నాయకులు ఆయా రంగాల్లో అందించే సేవలకు గుర్తింపు ఈ అవార్డును అందిస్తారు. యుఏఈ అడ్వాన్స్ డ్ టెక్నాలజీ మంత్రి సార్ అల్ అమీరి, ప్రముఖ సింగర్, రచయిత ఎల్లి గౌల్డింగ్, హుడా బ్యూటీ వ్యవస్థాపకులు హుడా కట్టాన్ ఈ అవార్డును అందుకున్నారు. వారితోపాటు ఈ ఏడాది దీపికా పదుకొనే ఈ అవార్డును అందుకుంది.
