అక్కినేని కుటుంబానికి అన్నపూర్ణ స్టుడియోస్ ఉంది. దగ్గుబాటి ఫ్యామిలీకి రామానాయుడు స్టుడియోస్ ఉంది. రామోజీ రావుకు రామోజీ ఫిలింసిటీ ఉంది. నందమూరి కుటుంబానికి రామకృష్ణ స్టుడియోస్ ఉంది. మరి మెగా కుటుంబానికి ఏముంది? ఇన్నాళ్లకు అల్లు అరవింద్ కు ఈ ఆలోచన వచ్చినట్టుంది. అందుకే “అల్లు స్టుడియోస్” పేరిట ఓ స్టుడియో నిర్మించబోతున్నారు. గచ్చిబౌలిలోని 7 ఎకరాల సువిశాల స్థలంలో ఈ స్టుడియో నిర్మాణం కాబోతోంది. దీనికి సంబంధించి నిన్న భూమి పూజ చేశారు. తాము స్టుడియో నిర్మాణం చేపట్టబోతున్నామంటూ అల్లు అర్జున్ స్వయంగా ప్రకటించాడు.
కొన్ని ఫొటోలు రిలీజ్ చేశాడు. .అందులో అల్లు అరవింద్ పూజ చేస్తున్నట్టు ఉంది. ఈరోజు అల్లు రామలింగయ్య 99వ జయంతి. ఈ సందర్భంగా స్టుడియో నిర్మాణం ప్రారంభించారు. అల్లు రామలింగయ్య వందో జయంతి నాటికి, అంటే వచ్చే ఏడాది ఈ రోజు నాటికి స్టుడియో ప్రారంభించాలనేది టార్గెట్. సో.. ఇకపై మెగా కుటుంబానికి కూడా ఓ స్టుడియో అన్నమాట. ఇది పూర్తిగా అల్లు అరవింద్ సొంత స్టుడియో. ప్రభుత్వానికి దీనికి ఎలాంటి సంబంధం లేదు.
