Boyapati Srinu to direct Ram Pothineni?

మాస్ ప‌ల్స్ తెలిసిన ద‌ర్శ‌కుడు బోయపాటి శ్రీ‌ను. త‌న‌తో సినిమా చేయ‌డానికి అగ్ర హీరోలు రెడీగా ఉంటారు, ఈమ‌ధ్య బోయ‌పాటితో సినిమా చేయ‌డానికి యువ హీరోలూ ఉత్సాహం చూపిస్తున్నారు. రామ్ సైతం.. బోయ‌పాటి తో ఓసినిమా చేయాలని చూస్తున్నాడ‌ని ఇది వ‌ర‌కే వార్త‌లొచ్చాయి. ఇది కాంబినేష‌న్ లో ఓ సినిమా ఉంటుంద‌ని ప్ర‌చారం జ‌రుగుతోంది. ఈ కాంబో దాదాపుగా ఖాయ‌మైంది. రామ్ – బోయ‌పాటి మ‌ధ్య ఇటీవ‌ల క‌థా ప‌ర‌మైన చ‌ర్చ‌లు జ‌రిగాయ‌ని టాక్‌.

బోయ‌పాటి చెప్పిన క‌థ రామ్ కి న‌చ్చింద‌ని, ఈసినిమా చేయ‌డానికి రామ్ ప‌చ్చ‌జెండా ఊపాడ‌ని టాక్‌. రామ్ ప్ర‌స్తుతం లింగు స్వామి ద‌ర్శ‌కత్వంలో ఓసినిమా చేస్తున్నాడు. బోయ‌పాటి చేతిలో అఖండ ఉంది. ఈసినిమా అక్టోబ‌రులో విడుద‌ల కానుంది. ఆ త‌ర‌వాత‌.. బోయ‌పాటి చేసే సినిమా రామ్ తోనే అని టాక్‌. ప్ర‌స్తుతం పాన్ ఇండియా సినిమాల సీజ‌న్ న‌డుస్తోంది. సో… రామ్ – బోయ‌పాటి కాంబో కూడా పాన్ ఇండియా ప్రాజెక్టు అయ్యే అవ‌కాశాలు పుష్ల‌కంగా ఉన్నాయ‌ని స‌మాచారం.