అల్లు అర్జున్ – త్రివిక్రమ్ కాంబినేషన్లో మరో ప్రాజెక్టు సెట్స్ పైకి వెళ్లనుందనే టాక్ చాలా రోజులుగా వినిపిస్తోంది. అందుకు సంబంధించిన సన్నాహాలు చకచకా జరిగిపోతున్నాయని అంటున్నారు. గతంలో ఈ ఇద్దరి కాంబినేషన్లో ‘జులాయి’ ..’S/O సత్యమూర్తి’ .’అల వైకుంఠపురములో’ సినిమాలు వచ్చాయి. ఈ మూడు కూడా భారీ విజయాలను నమోదు చేశాయి. అలాంటి ఈ ఇద్దరి కాంబినేషన్లో మరో సినిమా సెట్స్ పైకి వెళ్లనుంది.
ఈ సినిమాలో కథానాయికగా ముందుగా పూజ హెగ్డే పేరు వినిపించింది. ‘అల వైకుంఠపురములో’ కాంబినేషన్ రిపీట్ కానుందనే టాక్ వచ్చింది. కానీ ఇప్పుడు మీనాక్షి చౌదరి పేరు తెరపైకి వచ్చింది. ఆరంభంలో మీనాక్షి చౌదరికి చెప్పుకోదగిన సినిమాలు పడకపోయినా, ఆ తరువాత విజయ్ ..మహేశ్ బాబు.. దుల్కర్ సల్మాన్ వంటి స్టార్ హీరోలతో చేస్తూ వెళ్లింది. ‘లక్కీ భాస్కర్’ ఆమెకి మంచి సక్సెస్ ను అందించింది. అంతేకాదు వెంకటేశ్ తో ఆమె చేసిన ‘సంక్రాంతికి వస్తున్నాం’ జనవరిలో ప్రేక్షకుల ముందుకు రానుంది.
