హ‌లో గురూ ప్రేమ కోస‌మే, రాక్ష‌సుడు లాంటి హిట్ల త‌ర్వాత కూడా అనుప‌మ లైమ్ లైట్లో లేక‌పోవ‌డం ఆశ్చ‌ర్యం క‌లిగించే విష‌యమే. ఇక టాలీవుడ్లో అనుప‌మ కెరీర్ ముగిసిన‌ట్లే అని అంతా భావిస్తున్న త‌రుణంలో ఎట్ట‌కేల‌కు మ‌ళ్లీ ఓ ఛాన్స్ అందుకుంది ఈ మ‌లయాళ కుట్టి. నిఖిల్ హీరోగా సుకుమార్ స్క్రిప్టుతో ఆయ‌న శిష్యుడు ప‌ల్నాటి సూర్య‌ప్ర‌తాప్ రూపొందించ‌నున్న కొత్త సినిమాలో అనుప‌మ ప‌ర‌మేశ్వ‌ర‌న్ క‌థానాయిక‌గా ఖ‌రారైంది. గీతా ఆర్ట్స్, సుకుమార్ రైటింగ్స్ ఉమ్మ‌డిగా నిర్మించ‌నున్న ఈ సినిమాలో అనుప‌మ న‌టించ‌నున్న‌ట్లు అధికారికంగా ప్ర‌క‌టించారు.
నిజానికి ఈ సినిమా క‌థానాయిక‌గా ముందు వినిపించిన పేరు అనుప‌మ‌దే. కానీ త‌ర్వాత ఆమె స్థానంలోకి గ్యాంగ్ లీడ‌ర్ హీరోయిన్ ప్రియాంక అరుల్ మోహ‌న్ వ‌చ్చిన‌ట్లు ప్ర‌చారం జ‌రిగింది. కానీ ఇప్పుడు ఆ ప్ర‌చారానికి తెర దించుతూ అనుప‌మ‌ను క‌థానాయిక‌గా ప్ర‌క‌టించారు. ఇది ఒక డైరీ నేప‌థ్యంలో సాగే సినిమా. క‌థానాయిక పాత్ర కీల‌కంగా ఉంటుంద‌ట. సుకుమార్ స్క్రిప్టు అంటే ఇందులో ఏదో ప్ర‌త్యేక‌త ఉంటుంద‌నే అంతా అనుకుంటున్నారు. మ‌రి ఈ సినిమాతో అనుప‌మ కెరీర్ ఎలాంటి మ‌లుపు తిరుగుతుందో చూడాలి.
