అమెజాన్ ప్రైమ్ వీడియోలో విడుదలైన మిడిల్ క్లాస్ మెలొడీస్ సినిమాతో మంచి సక్సెస్ అందుకున్న ఆనంద్ దేవరకొండ తన అన్న విజయ్ దేవరకొండ దారిలో వ్యాపారంలోకి అడుగుపెట్టాడు. తన స్నేహితులు నిర్వహిస్తున్న “గుడ్ వైబ్స్ ఓన్లీ” కేఫ్ లో పార్టనర్ అయ్యారు. ఈ విషయాన్ని ట్విట్టర్ ద్వారా ఆనంద్ వెల్లడించారు.
“నేను మా అన్నయ్య విజయ్ ఇద్దరం ఫుడ్ బేస్డ్ మూవీస్ తోనే మంచి సక్సెస్ అందుకున్నాం. “మిడిల్ క్లాస్ మెలొడీస్” ద్వారా వచ్చిన నా రెమ్యునరేషన్ ను ఈ ఫుడ్ బిజినెస్ లోనే ఇన్వెస్ట్ చేస్తున్నాను. మా స్నేహితులు కలిసి నిర్వహిస్తున్న “గుడ్ వైబ్స్ ఓన్లీ” కేఫ్ లో భాగస్వామి అవడం సంతోషంగా ఉంది. మీ ప్రేమ వల్లే మా కలలను నెరవేర్చుకోగలుగుతున్నాం” అని ఆనంద్ దేవరకొండ పేర్కొన్నారు. హైదరాబాద్ ఖాజాగూడలో ఈ కేఫ్ ఫుడ్ లవర్స్ ను ఆకర్షిస్తోంది.
