అల్లు అర్జున్ కూతురు అర్హ సోష‌ల్ మీడియా ద్వారా ఎంత ఫేమ‌స్ అయిందో ప్ర‌త్యేకంగా చెప్ప‌న‌క్క‌ర్లేదు. బ‌న్నీ లేదంటే స్నేహా రెడ్డి త‌ర‌చు అర్హకి సంబంధించిన ఫొటోలు, వీడియోలు షేర్ చేస్తుండ‌డంతో ఆమెకు ఫుల్ పాపులారిటీ ద‌క్కింది. అర్హ.. అల వైకుంఠ‌పురములోని ఓ మై డాడీ అనే ప్ర‌మోష‌న‌ల్ సాంగ్‌లో క‌నిపించడంతో పాటు గీతాంజ‌లి రీ క్రియేష‌న్ సాంగ్‌లోను సంద‌డి చేసింది..
తన క్యూట్‌నెస్‌తో ఇప్పటికే అభిమానుల్లో క్రేజ్‌ సంపాదించుకున్న అర్హ ఇప్పుడు న‌టిగా సంద‌డి చేయ‌నుంది. సీనియర్ దర్శకుడు గుణశేఖర్ దర్శకత్వంలో అర్హ ఎంట్రీ ఖరారు కాగా, ఆ మ‌ధ్య సెట్ లో సంద‌డి చేసింది. ఇప్పుడు హైద‌రాబాద్‌లో మ‌రో షెడ్యూల్ మొద‌లు కాగా, అర్హ మ‌ళ్లీ సెట్స్ కి వ‌చ్చింది. చిన్నారికి చిత్ర‌బృందం గ్రాండ్ వెల్‌క‌మ్ చెప్పారు. గుణశేఖర్ తెర‌కెక్కిస్తున్న శాకుంతలం అనే ఓ పౌరాణిక చిత్రాంలో సమంత ప్రధాన పాత్ర పోషిస్తుండ‌గా,
అల్లు అర్హ ఈ సినిమాలో ప్రిన్స్ భరతుడి పాత్రలో కనిపించనుందట. మొత్తం 10 రోజుల పాటు శాకుంతలం షూటింగ్‌లో పాల్గొంటుందట. మహాభారత గాథలోని ఆదిపర్వం నందు గల అద్భుతమైన, అందమైన ప్రేమ కథ ఆధారంగా రూపోందుతుండగా మలయాళ హీరో దేవ్ మోహన్ దుష్యంతుడుగా నటిస్తున్నారు. పాన్ ఇండియా లెవల్లో రూపోందిస్తున్న ఈ సినిమాను గుణశేఖర్ తన స్వంత బ్యానర్ గుణ టీమ్ వర్క్స్ పతాకంపై నిర్మిస్తుండగా మణిశర్మ సంగీతం అందిచనున్నారు.
