మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ మల్టీస్టారర్ గా దర్శకధీరుడు రాజమౌళి దర్శకత్వంలో తెరకెక్కిన ఆర్ఆర్ఆర్ మూవీ ఎట్టకేలకు మార్చి 25 న రిలీజ్ అయ్యి భారీ విజయాన్ని అందుకున్న విషయం తెలిసిందే. రికార్డుల కలెక్షన్స్ అందుకుంటున్న ఈ సినిమా గురించి గతకొన్నిరోజులుగా ఒక వార్త సోషల్ మీడియాలో వైరల్ గా మారింది. ఈ సినిమాలో సీతగా నటించిన బాలీవుడ్ బ్యూటీ అలియా భట్, రాజమౌళి పై అలక పూనిందని, తనకు ఆశించిన ఫలితం రాకపోయేసరికి తన సోషల్ మీడియాలో ఆర్ఆర్ఆర్ పోస్టులను డిలీట్ చేసేసిందని వార్తలు గుప్పుమన్నాయి.
ఇక ఈ వార్తలు ఆ నోటా ఈనోటా పాకుతూ అలియా భట్ వరకు వెళ్లడంతో ఆమె ఈ పుకార్లకు చెక్ పెట్టింది. ” ఆర్ఆర్ఆర్ టీమ్ వలన నేను అప్సెట్ అయ్యానని, అందుకే ఆర్ఆర్ఆర్ పోస్ట్లు డిలీట్ చేశానని ఈరోజుఎవరో నాతో అన్నారు. దయచేసి ఇది నా మనవి.. ఇంస్టాలో జరిగేవాటిని బట్టి ఎలాంటి ఊహాగానాలు పెట్టుకోకండి. ఎప్పటికప్పుడు నా ఇన్స్టాగ్రామ్ లో నేను చాలావాటిని డిలీట్ చేస్తూ ఉంటాను.. ఎందుకంటే నాకు చిందరవందరగా ఉంటె నచ్చదు.. అందుకే తక్కువ పోస్ట్లు ఉండేలా చూసుకుంటాను. నేను ఆర్ఆర్ఆర్ ప్రపంచంలో భాగమైనందుకు ఎంతగానో గర్విస్తున్నాను.
సీత పాత్ర నేను ప్రేమించి చేశాను.. రాజమౌళి సర్ తో వర్క్ చేయడం నేను చాలా ఇష్టపడ్డాను. ఇక చరణ్, తారక్ తో కలిసి పనిచేయడం నాకెంతో ఇష్టం. ఆర్ఆర్ఆర్ సినిమాకు సంబంధించిన ప్రతిదీ నేనెంతో ఇష్టపడి చేశాను. ఈ విషయం నేను చెప్పడానికి కారణం కేవలం రాజమౌళి సర్ ఈ సినిమా కోసం ఎంత కష్టపడ్డారు.. ఎన్నో ఏళ్లు ఈ సినిమా కోసం పనిచేశారు. అలాంటిది న వలన ఈ సినిమా గురించి తప్పుగా మాట్లాడుకోవడం, మిస్ యూజ్ చేయడం లాంటివి జరగకూడదని చెప్తున్నాను” అంటూ చెప్పుకొచ్చింది. ప్రస్తుతం ఈ పోస్ట్ నెట్టింట వైరల్ గా మారింది. ఇక దీంతో ఈ వార్తలకు చెక్ పడినట్లే అని తెలుస్తోంది..
