ఇటీవల మన సౌత్ సినిమా దగ్గర ఒక్క సినిమాతోనే ఫేట్ మార్చుకున్న అతి కొద్ది మంది హీరోయిన్ లలో డ్రాగన్ బ్యూటీ కయాదు లోహర్ కూడా ఒకరు. యంగ్ హీరో ప్రదీప్ రంగనాథన్ సరసన నటించిన ఈ బ్యూటీ ఆ సినిమాతో స్టార్ అయ్యింది. ఇక అక్కడ నుంచి పలు సినిమాలు వరుసగా చేస్తున్న తాను తన పేరిట సోషల్ మీడియాలో జరుగుతున్న ఫేక్ ప్రచారంపై స్పందించింది. X (ట్విట్టర్) యాప్ లో తన పేరిట పలు పోస్ట్ లు ఇటీవల ఒకింత చాలా మందికి షాకింగ్ గా అనిపించాయి..
తమిళ నాట జరిగిన నటుడు విజయ్ రాజకీయ సభకి సంబంధించిన విషాదంపై ఓ కాంట్రవర్సీ పోస్ట్ కూడా రావడంతో దానిని ఆమెనే చేసింది అని చాలా మంది అనుకున్నారు. కానీ కయాదు తన ఒరిజినల్ అకౌంట్ నుంచి పోస్ట్ చేసి తన పేరిట జరుగుతున్న ఫేక్ అకౌంట్ ప్రచారాన్ని ఎవరూ నమ్మొద్దని తేల్చింది. నిజానికి ఆ సభ విషయంలో జరిగిన విషాదం పట్ల చాలా చింతిస్తున్నాను అని దయచేసి తన పేరు మీద జరుగుతున్న అలాంటి ప్రచారాలు ఎవరూ నమ్మవద్దని ఆమె ఓ క్లారిటీ అందించింది..!!
