టాలీవుడ్ లో ఓ ఆసక్తిక‌ర‌మైన కాంబోకి తెర లేచింది. ‘ద‌స‌రా’ ఫేమ్ శ్రీ‌కాంత్ ఓదెల క‌థ‌కు చిరంజీవి ఓకే చెప్పారు. ఇప్పుడు అధికారిక ప్ర‌క‌ట‌న కూడా వ‌చ్చేసింది. ఈ చిత్రానికి ప్ర‌ముఖ క‌థానాయ‌కుడు నాని సమ‌ర్ప‌కుడిగా వ్య‌వ‌హ‌రించ‌డం విశేషం. ఈరోజు కాన్సెప్ట్ పోస్ట‌ర్ కూడా విడుదల చేశారు. ర‌క్తంతో త‌డిచిన ఓ చేయిని హైలెట్ చేస్తూ ‘హీ ఫైన్డ్స్ హిస్ పీస్ ఇన్ వయెలెన్స్’ అంటూ క్యాప్ష‌న్ ఇచ్చారు. హింస‌లోనే శాంతిని వెదుక్కొనే ఓ క‌థానాయ‌కుడి క‌థ ఈ సినిమా అనేది క్యాప్ష‌న్ ని బ‌ట్టి అర్థం అవుతోంది. మెగాస్టార్ కెరీర్‌లో వయెలెన్స్ ఉన్న సినిమా ఇదేనంటూ చిత్ర‌బృందం పేర్కొంది. సుధాక‌ర్ చెరుకూరి ఈ చిత్రానికి నిర్మాత‌గా వ్య‌వ‌హ‌రించ‌బోతున్నారు.
